Здружението за истражување и анализи ЗМАИ објавува сеопфатна анализа за финансирањето на изборите во 2024 година, фокусирајќи се на трошењето на јавни средства, улогата на приватните донации и транспарентноста на финансиските извештаи од политичките партии. Анализата покажува дека и покрај законските одредби за јавност и отчетност, постојат значителни празнини во праксата кои овозможуваат прикриено влијание, недоволна контрола и партизација на изборниот процес.

Истражувањето ги разгледува трошоците за медиумско рекламирање, промотивните активности и донациите во натпреварот за гласачи, укажувајќи на случаи на несоодветно користење на јавни ресурси и забележително отсуство на санкции. Сериозен предизвик останува нефункционалната контрола од надлежните институции – Државниот завод за ревизија, Државната изборна комисија и Антикорупциската комисија – кои или не постапуваат, или не располагаат со доволно капацитети.

Анализата содржи конкретни препораки за подобрување на правната рамка и институционалните механизми за следење на финансирањето на изборите. Истовремено, укажува на потребата од дигитална отчетност, подобра координација меѓу институциите и посилна улога на граѓанскиот сектор во мониторингот.

🔎 Прочитај ја целата анализа на овој ЛИНК