ИНВЕСТИЦИСКО СОВЕТУВАЊЕ

Една од основните дејности на ЗМАИ е изработка и спроведување на статистички и економетриски анализи кои ќе служат како база за градење на јавни политики или финансирање на инфраструктурни проекти спроведувани од централната и од локалната власт. Целта на овие активности е да се истражат: техничката изводливост на проектот; аспектите кои ја покриваат заштитата на животната средина; социјалните влијанија на проектот; како и финансиските и економските ефекти од спроведување на инвестициите.

На оваа област работи посветен тим на експерти кои имаат долгогодишно искуство во анализирање и спроведување на инфраструктурни проекти, како на национално и локално, така и на меѓународно ниво.

Најчести корисници на нашите услуги се државни институции, како и меѓународни донатори кои спроведуваат инфраструктурни проекти во Северна Македонија. Проектите кои се анализираат опфаќаат инвестиции во: образовна, патна, канализациона и урбана инфраструктура, обновливи извори на енергија и активности за зголемување на енергетската ефикасност на објекти, реконструкција на објекти, патишта, водоснабдувачки системи и изградба на пречистителни станици.

ТИМ

Горан Мојаноски

Горан Мојаноски е еден од основачите на ЗМАИ Скопје. Најголем дел од неговата истражувачка кариера ја има посветено во областа на основното образование, инвестициите и пазарот на капитал. Негова потесна област на специјализација е пазарот на капитал за која и подготвува докторска дисертација.

Фатон Сулејмани

Фатон Сулејмани е магистер по економски науки во областа на статистичките методи за бизнис и економија. Во 2020 година тој е добитник на стипендијата Chevening и во моментов се наоѓа на студиски престој на Imperial College London.

Марко Георгиевски

Марко Георгиевски е дипломиран економист со 10 годишно искуство во водење бизнис во областа на угостителството, логистиката и консалтинг. Веќе 7 години работи како ментор на старт ап компании, преку СтартАп Академијата на која е ко-основач од 2013 година. Во моментов е сопственик на бизнис во областа на транспортот и логистиката.

Виктор Стојкоски

Виктор Стојкоски е истражувач во ЗМАИ од 2015 година. Покрај ангажманот во ЗМАИ, Виктор е вработен како асистент на Економскиот факултет во Скопје. Автор е на повеќе од 30 научни трудови и има учествувано во повеќе од 10 меѓународни научноистражувачки проекти. Неговиот истражувачки интерес е развивање на методи за анализа на податоци.