Експертскиот тим на ЗМАИ поддржан од страна на Шведскиот меѓународен центар за локална демократија (ICLD), создаде прирачник за локалните власти во земјите каде е активен ICLD. Автори на овој прирачник се: Драган Тевдовски, Виктор Митевски, Елена Трпковска и Јована А. Николовска. Овој прирачник содржи алатки кои ќе им бидат поддршка и водилка на локалните власти во правењето на нивните граѓански буџети.
Што е тоа локален граѓански буџет?
Граѓанскиот буџет е краток документ кој го прикажува буџетот изгласан од локалните власти на начин кој е лесно разбирлив за секој граѓанин. Тој документ најчесот содржи инфографици со слики кои ја отсликуваат содржината на општинскиот буџет. Овој документ не е замена за Буџетот на општината, тој треба да се создава посебно за секој Буџет и Ребаланс на Буџетот на локалните и централните власти и служи како алатка за подобро информирање на граѓаните. Централните и локалните буџети се генерално напишани на бирократски, административен јазик кој не е секогаш разбирлив за граѓаните. Сепак, Буџетите, особено локалните буџети се прават за да им служат на граѓаните на таа локална заедница. Поради тоа, се јавува потребата за објавување на дополнителна верзија на документот која е разбирлива за секој член на локалната заедница. Токму тоа е Граѓанскиот Буџет. Покрај едноставната терминологија која треба да се користи за изработка на овој документ, додадени се и визуални елементи и инфографици кои им помагаат на читателите да ги разберат дадените информации. Најчесто кога зборуваме за Граѓански Буџет, мислиме на оној буџет кој е изгласан. Сепак, комплетниот Граѓански Буџет би се состоел од неколку документи кои ги вклучуваат: Предлог-буџетот за дадената година, усвоениот Буџет за годината, предлогот за Ребаланс/и на Буџетот и Ребалансите на Буџетот за годината. Само така граѓаните ќе можат да имаат увид во целосниот процес на носење на Буџетите и плановите за трошење на нивните пари од страна на локалните власти.
Прирачникот потекнува од истражувачките наоди на студија поддржана од ICLD која покажува дека јавната поддршка за локалните власти се зголемува кога граѓаните се вклучени и запознаени со локалниот буџетски процес.
Производи на ова истражување се:
Прирачникот може да го најдете во продолжение:
ICLD_Toolbox_2023 web
Прирачникот е корисен за општините, но и за граѓаните и јавноста која може да изврши позитивен притисок на своите локални власти за да продуцираат Граѓански Буџети и да ги информираат граѓаните за истите.
Скорешни коментари